លំពែង |
ទឹកនោមផ្អែមគឺជាជំងឺមួយ ដែលកើតឡើងដោយសារបញ្ហា ដែលទាក់ទងទៅនឹងការផលិត និងផ្គត់ផ្គង់អាំងស៊ុយលីន នៅក្នុងខ្លួនមនុស្ស ។ អាហារភាគច្រើនបំផុតដែលយើងបរិភោគបានក្លាយទៅជាគ្លុយកូស ដែលជាជាតិស្ករមួយប្រភេទ ។ យើងប្រើគ្លុយកូស ជាប្រភពថាមពល ដើម្បីផ្តល់ថាមពលដល់សាច់ដុំ និងកោសិការបស់យើង ។ ខ្លួនរបស់យើងដឹកជញ្ជូន គ្លុយកូសនៅក្នុងចរន្តឈាមរបស់យើង ។ ដើម្បីអោយសាច់ដុំរបស់យើង និងជាលិកាដទៃទៀតស្រូបគ្លុយកូស ពីចរន្តឈាមរបស់យើងនោះ យើងត្រូវការអ័រម៉ូនម្យ៉ាងហៅថាអាំងស៊ុយលីន ។ បើគ្មានអាំងស៊ុយលីនទេ ខ្លួនរបស់យើង មិនអាចទទួលបានថាមពលដែលចាំបាច់ពីអាហាររបស់យើងឡើយ ។ អាំងស៊ុយលីនត្រូវបានផលិតដោយក្រពេញធំមួយនៅពីក្រោយក្រពះ គឺលំពែង ។ វាត្រូវបញ្ចេញដោយកោសិកាឈ្មោះ ប៉ែតា ។ នៅពេលមនុស្សម្នាក់ មានទឹកនោមផ្អែម លំពែងមិនអាចផលិតជាតិអាំងស៊ុយលីនបានរឺខ្លួនយើងមិនអាចប្រើអាំងស៊ុយលីន អោយមានប្រសិទ្ធិភាព ។ ដូច្នេះអ្នកទឹកនោមផ្អែម មិនអាចប្រើគ្លុយកូស ពីអាហារដែលពួកគេបរិភោគអោយបានគ្រប់គ្រាន់ឡើយ ។ ប្រការនេះធ្វើអោយជាតិគ្លុយកូសនៅក្នុងឈាម មានការកើនឡើង ។ កម្រិតគ្លុយកូសនៅក្នុងឈាមខ្ពស់ រឺកម្រិតជាតិស្ករនៅក្នុងឈាមខ្ពស់ហៅថា ជាតិស្ករក្នុងឈាមខ្ពស់ ។ កម្រិតគ្លុយកូស នៅក្នុងឈាមខ្ពស់ អាចនាំងអោយមានផលវិបាកធ្ងន់ធ្ងរ ។ នៅពេលបច្ចុប្បន្ននេះ គ្មានឱសថណាអាចព្យាបាលជំងឺទឹកនោមផ្អែម អោយជាដាច់នោះឡើយ ៕
0 comments:
Post a Comment